| Definición |
Gas
incoloro, inodoro e insípido, de fórmula CO2, que se produce
pola oxidación completa do carbono nos procesos biolóxicos
e industriais ou como consecuencia dos incendios forestais. |
| Nota |
1.
Constitúe aproximadamente un 0,03% en volume da atmosfera,
de onde o toman as algas e as plantas para fixa-lo carbono
en forma de materia orgánica, entrando así este elemento
no seu ciclo bioxeoquímico. 2. Debido á utilización, cada
vez maior, dos combustibles fósiles e á proliferación dos
incendios forestais, a porcentaxe de dióxido de carbono
na atmosfera está aumentando progresivamente desde o inicio
da revolución industrial (a mediados do século XVIII era
do 0,0289%, a mediados do século XX do 0,030% e a finais
deste, do 0,035%), polo que constitúe un contaminante atmosférico
que contribúe ó incremento do efecto invernadoiro e, consecuentemente,
á elevación da temperatura da atmosfera, cun imprevisible
efecto sobre os cambios climáticos. 3. O dióxido de carbono
é soluble en auga, tendo a súa solución carácter ácido,
o que favorece a disolución das rochas calcarias. 4. A denominación
anhídrido carbónico non se admite nas normas de nomenclatura
química inorgánica da Unión Internacional de Química Pura
e Aplicada (IUPAC), aínda que se usa moito. |
dióxido de carbono
