L Glossar dl ambient é vegnù realisé tl cheder dl projet Linmiter. Al desmostra l resultat dla cooperazion panlatina, y al comprova che al é fatibel de elaboré, baraté y publiché glossars terminologics en colaborazion, spezialmenter anter lingac che é jurmans, sciche i lingac de chest'opera.

L Glossar contegn 179 conzec con i terms per catalan, cors, furlan, galizian, ladin, ozitan y sard.

La fiscia terminologica comprend l term, si categoria gramaticala, sinonims, na definizion, osservazions, y i ecuivalenc per spagnol, franzous y engleis sciche lingac de referiment. Al é ence poscibel de jì diretamenter, tres n link, a la fiscia ecuivalenta ti autri lingac de laour de chest glossar.